Azərbaycan və Ermənistan nazirlərinin görüşü nə vaxt baş tutacaq?

Azərbaycan və Ermənistan xarici işlər nazirləri Ceyhun Bayramov və Ararat Mirzoyan Almaniyanın paytaxtı Berlində bir araya gələcəklər.

Bu barədə Ermənistan Xarici İşlər Nazirliyinin mətbuat katibi Ani Badalyan deyib.

Onun sözlərinə görə, görüşün keçirilməsi ilə bağlı razılaşma Münxendə üçtərəfli görüş zamanı əldə olunub.

Xatırladaq ki, sonuncu dəfə 2023-cü ilin oktyabrın 24-də Tehranda “3+3” formatında görüş çərçivəsində Azərbaycan və Ermənistan xarici işlər nazirləri arasında danışıq olub.