Azərbaycan və Latviya prezidentlərinin məhdud tərkibdə görüşü

Martın 8-də rəsmi qarşılanma mərasimindən sonra Prezident İlham Əliyevin Latviya Prezidenti Egils Levitslə məhdud tərkibdə görüşü olub.

Söhbət zamanı Azərbaycan və Latviyanın dövlət başçıları bu il Davosda keçirilmiş görüşü məmnunluqla xatırlayıb, həmin görüşdə aparılmış müzakirələrin ölkələrimiz arasında münasibətlərin inkişafında rolunu qeyd ediblər. Prezident İlham Əliyev Latviyaya səfərini xatırlayıb.

Görüşdə Azərbaycan-Latviya münasibətlərinin strateji tərəfdaşlıq xarakteri daşıdığı qeyd edilib. Latviyanın Azərbaycanın Avropa İttifaqı və NATO ilə əlaqələrinin inkişafına verdiyi dəstək yüksək qiymətləndirilib. Həmçinin Latviyanın ölkəmizdəki səfirliyinin NATO-nun Azərbaycanla münasibətlərdə əlaqələndirici rolunda çıxış etdiyi vurğulanıb.