Azərbaycan XİN-dən İrəvan-Bakı-İrəvan reysləri barədə vacib məlumat

İlin əvvəlindən İrəvan-Bakı-İrəvan marşrutu üzrə iki dövlət reysi həyata keçirilib.

Belə ki, bu ilin yanvar ayından iyun ayınadək İrəvandan Bakıya və əks-istiqamətdə iki dövlət reysi həyata keçirildiyi bildirilir.

Bu barədə məlumatı Ermənistan mətbuatı ölkənin Ərazi İdarəetmə və İnfrastruktur Nazirliyinə istinadən yayıb.

“Bu il İrəvan-Bakı marşrutu üzrə bir reys və əks-istiqamətdə bir reys həyata keçirilib. Hər iki halda, bortda yüksəkvəzifəli xarici şəxslər olub”, ‒ deyə qurumdan bildirilib.

Həmçinin qeyd olunub ki, əlavə məlumata malik deyillər, çünki dövlət reysləri üçün icazələri Ermənistan Xarici İşlər Nazirliyi verir.

Qeyd edək ki, daha əvvəl bildirilmişdi ki, 2020-ci ildən İrəvan-Bakı-İrəvan marşrutu üzrə hava əlaqəsi yalnız beynəlxalq nümayəndə heyətlərinin daşınması üçün dövlət reysləri formatında həyata keçirilir.

Azərbaycanın Xarici İşlər Nazirliyindən isə məsələ ilə bağlı Baku TV-yə bildirilib ki, bu, çarter reysləridir və bu reyslər müxtəlif illərdə icra olunub.