Azərbaycana qaytarılan 4 kənddən erməni hərbçiləri çıxarılır

Ermənistan öz Silahlı Qüvvələrini Azərbaycanın Bağanis Ayrım, Xeyrimli, Aşağı Əskipara və Qızılhacılı kəndlərindən çıxarır.

Oxu.az Ermənistan KİV-ə istinadən xəbər verir ki, kəndlərin Azərbaycana qaytarılmasından sonra Ermənistan sərhəddəki hərbçilərini sərhədçilərlə əvəz edəcək.

Xatırladaq ki, aprelin 19-da Azərbaycan dövlət sərhədinin delimitasiyası üzrə Dövlət Komissiyasının və Ermənistanın dövlət sərhədinin delimitasiyası və sərhəd təhlükəsizliyi Komissiyasının səkkizinci görüşü keçirilib. Görüşdə Qazaxın işğal altında olan yeddi kəndindən dördünün Azərbaycana qaytarılması haqqında razılıq əldə edilib.