Azərbaycanda yaşayan türklər Ərdoğanı seçdi

Azərbaycanda yaşayan Türkiyə vətəndaşlarının səsvermələrinin nəticələri açıqlanıb. Bu barədə “Report” agentliyi məlumat yayıb.

Belə ki, ölkəmizdə yaşayan türkiyəli seçicilər “Cümhur İttifaqı”nın namizədi, hakim Ədalət və İnkişaf Partiyasının sədri və Türkiyənin hazırkı dövlət başçısı Rəcəb Tayyib Ərdoğanı dəstəkləyib. Azərbaycandakı səsvermənin nəticələrinə görə, R.T.Ərdoğan seçicilərin 49.42, “Millət İttifaqı”nın namizədi, müxalif Cümhuriyyət Xalq Partiyasının sədri Kamal Kılıçdaroğlu 41.92, “Ata İttifaqı”nın namizədi Sinan Oğan isə 6.42%-in səsini qazanıb.

Qeyd edək ki, Məmləkət Partiyasının sədri Məhərrəm İncə seçkidən əvvəl namizədliyini geri götürüb. Amma bununla bağlı qərarını Azərbaycanda baş tutan səsvermədən sonra açıqladığından ölkəmizdəki türkiyəli seçicilərin 2.24%-i Məhərrəm İncəni prezident kimi görmək niyyətlərini ifadə ediblər.