Azərbaycanın bunu etməyə tam hüququ var | Aİ və Ermənistan qaydaları pozdu

Avropa İttifaqının Ermənistandakı missiyası növbəti dəfə Azərbaycana qarşı təxribata yol verib. Hadisə Gorus istiqamətində qeydə alınıb.

İttifaqın missiyasının üzvləri və erməni hərbçiləri dövlət sərhədimizin yaxınlığına gəliblər. Həmçinin oktyabrın 8-i saat 13:10 radələrində "müşahidəçilər" Avropa İttifaqına məxsus 2 ədəd “Toyota” markalı avtomobildə Ermənistan Ordusunun hərbçilərinin müşayiəti ilə Gorus rayonunun Kornidzor kəndi ərazisində yerləşən yolun üzərində yerləşiblər.

Ermənistana məxsus 1 ədəd “Niva” və 1 ədəd “UAZ Patriot” markalı minik avtomobili ilə əraziyə gələn 4 “müşahidəçi” və 4 erməni hərbçinin müşahidə cihazları ilə Azərbaycan ərazilərini izləməsi qeydə alınıb.

Müşahidə keçmiş “Laçın dəhlizi” istiqamətinə doğru aparılıb. Bu aktivləşmə bir daha göstərir ki, təxribat ehtimalı əsassız deyil.

Bəs bu nə qədər qanunidir? Ümumiyyətlə, Avropa İttifaqı missiyasının sərhəddə müşahidə aparmaq üçün öhdəliyi varmı? Rəsmi Bakı bu təxribatla bağlı hansı addımları ata bilər?