Azərbaycanın qələbəsini həzm edə bilməyən ABŞ-nin riyakar oyunu

ABŞ-nin Azərbaycandakı səfiri Mark Libbi ölkəsinin ikiüzlü siyasətini növbəti dəfə ortaya qoyub.

M.Libbi Azərbaycan hakimiyyətinə müraciət edərək, onun təbirincə desək, azadlığa sadiqlik nümayiş etdirən jurnalistlərin sərbəst buraxılmasını xahiş edib.

ABŞ bu gün özünü bütün dünyaya demokratiyanın beşiyi kimi sırımağa çalışsa da, əslində demokratiyanın, hüququn və ədalətin ən böyük pozucusu olduğu hər kəsə məlumdur.

Səfir M.Libbi müsahibəsində Şuşaya getmək istəmədiyini də deyib.

İddia edib ki, geri qaytarılan ərazilərə səfər bir qədər fərqlidir: “Burada daha çox koordinasiya lazımdır. Bununla belə, kiminsə şousunun iştirakçısı olmaq istəmirəm ki, harasa səyahət edim. Ona görə də vaxtı gələndə bunu edəcəyəm”.