Azərbaycanlıları döydürən Vazgeni parlamentdə qətlə yetirdilər | Qərbi Azərbaycan Xronikası

"Qərbi Azərbaycan Xronikası" layihəsi çərçivəsində növbəti veriliş efirə gedib.

Milli Məclisin deputatı Etibar Əliyev müsahibəsində Qərbi Azərbaycan türklərinin XX əsrdə yaşadığı deportasiyalardan, ermənilərin azərbaycanlılara qarşı məkrli, xain planlarından söhbət açıb.

Qərbi Azərbaycanın qardaş Türkiyə ilə sərhədindəki Vedi rayonun Şirazlı kəndində doğulub boya-başa çatan millət vəkili deyib ki, indiki Ermənistanda vaxtilə yaşayan oğuz türklərinə qarşı daim təhdidlər olub, ermənilər əllərinə imkan düşdükcə onları qətlə yetiriblər.

Onun sözlərinə görə, SSRİ dövründə Ermənistan rəhbərliyi orada yaşayan azərbaycanlıların təhsil almasına, uğur qazanmasına, müəyyən vəzifələrə təyinat almasına qısqanc yanaşıb.

O, yeniyetmə və gənclik illərində Qərbi Azərbaycanda üzləşdiyi mənəvi, fiziki təzyiqlər barədə danışıb, azərbaycanlıların üzləşdiyi soyqırımı və deportasiya siyasəti ilə bağlı əsl həqiqətlərin dünya ictimaiyyətinə çatdırılmasında xarici ölkə alimləri ilə əməkdaşlığın zəruri olduğunu vurğulayıb.