Bakı Suriyadakı vətəndaşlarımıza görə hərəkətə keçdi | Ayxan Hacızadədən mühüm açıqlama
Azərbaycan Suriyada baş verən prosesləri izləyir.
Bu barədə Azərbaycan Xarici İşlər Nazirliyinin (XİN) Suriyada son vəziyyət barədə bəyanatında bildirilir.
Qeyd edilir ki, bu çərçivədə eyni zamanda qardaş Türkiyə ilə məsləhətləşmələr həyata keçirilir.
"Suriyada Bəşər Əl-Əsəd rejiminin çökməsindən sonra ölkədə sülhün, sabitliyin bərpa olunması və vətəndaş qarşıdurmasına son qoyulması mütləq dərəcədə vacibdir.
Azərbaycan Respublikası Suriyanın ərazi bütövlüyü və suverenliyinə dəstəyini bir daha ifadə edir və Suriya xalqının iradəsinə uyğun şəkildə, habelə ölkədaxili siyasi dialoq vasitəsilə məsələlərin həllini tapacağına ümidvar olduğunu bildirir.
Azərbaycan Respublikası qardaş Türkiyə Respublikası və digər həmfikir tərəfdaşlarla birlikdə Suriya xalqının üzləşdiyi humanitar problemlərin aradan qaldırılmasına töhfə verməyə hazırdır.
Eyni zamanda Azərbaycan Respublikasının Suriyada səfirliyinin mövcud olmamasına baxmayaraq, Suriyada Azərbaycan vətəndaşlarının sayının və yerinin müəyyən edilməsi istiqamətində iş aparılır. Azərbaycan Respublikası həmçinin 2020-ci ildən başlayaraq Türkiyə Respublikasının ərazisi vasitəsilə həyata keçirilməkdə olan vətəndaşlarımızın Suriya Ərəb Respublikasından ölkəmizə repatriasiyası işini davam etdirəcək.
Azərbaycan Respublikası Suriyada vəziyyət sabitləşəndən sonra Azərbaycanla Suriya arasında ikitərəfli münasibətlərin bərpa olunacağına, əməkdaşlığın qarşılıqlı dostluq və tərəfdaşlıq prinsipi əsasında inkişaf edəcəyinə ümidvardır", – bəyanatda vurğulanır.
#Xarici İşlər Nazirliyi teqi istifadə olunub
- Azərbaycan və İran XİN rəhbərləri nələri müzakirə etdi? - Baku TV
- Azərbaycan XİN hazırda İranda olan vətəndaşlarımıza müraciət etdi - Baku TV
- Yeddi vətəndaşımız İrandan təxliyə edilib | "Rahat gəldik öz vətənimizə" - Baku TV
- Azərbaycan Xarici İşlər Nazirliyi vətəndaşlara çağırış etdi - Baku TV
- Ceyhun Bayramovdan AZAL təyyarəsinin qəzası ilə bağlı yeni açıqlama - Baku TV
