Bakıda "Traktor"un oyunu yayımlandı, İranda etiraz başladı

Təbrizin "Traktor" futbol komandasının oyununun Bakıda geniş şəkildə yayımlanması İranda ciddi reaksiyaya və etiraz dalğasına səbəb olub. "Baku TV"-nin siyasət bölməsinin məlumatına görə, Azərbaycan paytaxtında soydaşlarımızın komandasına göstərilən bu kütləvi dəstək İranın siyasi dairələrində narahatlıqla qarşılanıb. Bakıdakı nümayişkaranə azarkeşlikdən sonra İranın bəzi şəhərlərində yerli azərbaycanlılar tərəfindən milli şüarların səsləndirilməsi ilə müşayiət olunan aksiyalar başlayıb.

Süjetdə qeyd olunur ki, futbol sadəcə idman deyil, həm də milli birliyin simvoluna çevrilib. Bakıdakı yayım "Traktor"un sadəcə bir klub deyil, bütün dünya azərbaycanlılarının ortaq dəyəri olduğunu bir daha nümayiş etdirib. "Baku TV"-nin videomaterialında İran rəsmilərinin bu hadisəyə münasibəti, Tehranın "milli azlıqlar" siyasəti və Bakıdan gələn mənəvi dəstəyin İrandakı siyasi proseslərə təsiri ətraflı təhlil olunur. İdmanın siyasətə keçid etdiyi bu həssas mövzu barədə bütün detallar bizim xüsusi reportajda.