Bayden yenidən prezident olacaq?

Demokratlar Partiyasını dəstəkləyən amerikalı seçicilərin təqribən yarısı ABŞ Prezidenti Co Baydenin 2024-cü il seçkilərindən kənarda qalmasının daha yaxşı olacağını düşünür.

Bunu keçirilən son sorğunun nəticələri göstərir. Məlumata görə, demokratların tərəfdarlarının 44%-i C.Baydenin 2-ci müddətə namizəd olmasına qarşıdır.

Sorğu həmçinin demokrat seçici kimi qeydiyyata alınan respondentlərin 60%-dən çoxunun 80 yaşlı C.Baydenin dövlət vəzifəsində işləmək üçün çox qoca olduğunu bildirdiyini üzə çıxarıb.

Sorğu Ağ Evin keçmiş rəhbəri Donald Trampın 2024-cü il seçkilərində iştirakı ilə bağlı fikirlərini bildirmələri istənən Respublikaçı tərəfdarlar arasında da aparılıb. Rəyi soruşulanların 34%-i D.Trampın prezidentlik yarışına qatılmamalı olduğunu bildirib.

Sorğu aprelin 22-dən 24-dək olan dövrdə keçirilib, yəni C.Baydenin çərşənbə axşamı yenidən seçilmək qərarını rəsmən elan etməsindən əvvəl tamamlanıb.