Bələdiyyə seçkiləri nə vaxt keçiriləcək? | Tarix və digər detallar açıqlandı

Azərbaycanda bələdiyyə seçkiləri 2025-ci il yanvarın 29-da keçiriləcək.

Seçkiqabağı təşviqat 2025-ci il yanvarın 6-dan başlayacaq və yanvarın 28-i gecə 12-də dayandırılacaq.

Bələdiyyə seçkiləri ilə əlaqədar namizədin qeydə alınması üçün zəruri olan seçki sənədlərinin dairə seçki komissiyasına təqdim edilməsi müddəti də məlum olub.

Bələdiyyə seçkiləri ilə əlaqədar bu müddət 2024-cü il dekabrın 10-da başlayıb, dekabrın 30-u saat 18:00-dək davam edəcək. Bələdiyyə seçkiləri zamanı imza vərəqələrində, habelə namizədlərin, siyasi partiyaların, siyasi partiya bloklarının təqdim etdikləri sənədlərdə olan məlumatların düzgünlüyünün və müvafiq məlumatları yoxlamaq üçün İşçi Qrupu yaradılaraq tərkibi təsdiq edilib.

Bundan başqa, bələdiyyə seçkiləri ilə əlaqədar vətəndaşların seçki hüquqlarını pozan hərəkətlərdən və qərarlardan şikayətlərin araşdırılması məqsədilə Mərkəzi Seçki Komissiyası nəzdində ekspert qrupu da yaradılıb.

Qeyd edək ki, hazırda ölkəmizdə 685 bələdiyyə fəaliyyət göstərir.