Beynəlxalq hüquq professoru Ermənistanın əsassız iddialarından danışdı

“Ermənistan bildirir ki, təkcə 1996-cı il sentyabrın 15-nə qədər ermənilər tərəfindən həyata keçirilən etnik təmizləmə ilə bağlı Azərbaycanın iddia irəli sürməyəcəyinə dair əsaslı gözləntiləri var. Mən sizə, məhkəmə üzvlərinə bir anlıq dayanmağı, geriyə addım atmağı və özünüzə sual verməyi təklif edərdim”.

Bunu beynəlxalq hüquq professoru Ştefan Talmon bildirib.

“Başqa bir dövlətin ərazisinin beşdə birini zorla ələ keçirən, 23 minə yaxın vətəndaşını öldürən, təxminən 3900 vətəndaşının itkin düşməsinə səbəb olan, bütöv bir regionda etnik təmizləmə həyata keçirən, 1 milyon insanı evlərindən didərgin salan, mülklərini əlindən alan, mədəni irsini məhv edən, təbii sərvətlərini talayan bir dövlət necə ayağa qalxa və ona qarşı heç bir iddia qaldırılmayacağını gözlədiyini deyə bilər? Bilməz. Ancaq Ermənistan son bir neçə gündə məhz elə bununla məşğul olub”, – o vurğulayıb.