BP-nin regional prezidenti Cio Kristofoli İlham Əliyevə təbrik məktubu ünvanlayıb - Baku TV

BP-nin Azərbaycan, Gürcüstan və Türkiyə üzrə regional prezidenti Cio Kristofoli Azərbaycan Respublikasının Prezidenti İlham Əliyevə təbrik məktubu ünvanlayıb.

Bildirilib ki, şirkət Azərbaycanda dünya miqyaslı enerji layihələrini təhlükəsiz, səmərəli və etibarlı şəkildə həyata keçirməkdən qürur duyur.

Qeyd edilib ki, bu layihələrin uğurlu icrasında Prezident İlham Əliyevin davamlı dəstəyi, həmçinin SOCAR və Azərbaycan Hökuməti ilə qurulmuş etibarlı və strateji tərəfdaşlıq münasibətləri mühüm rol oynayır.

Məktubda SOCAR ilə uzunmüddətli tərəfdaşlığın qarşıdakı onilliklər ərzində daha da genişlənərək həm Xəzər regionunda, həm də onun hüdudlarından kənarda yeni əməkdaşlıq imkanları yaradacağına əminlik ifadə edilir.

Vurğulanıb ki, BP Azərbaycanın enerji təhlükəsizliyinə, dayanıqlı inkişafına və regional əməkdaşlığın möhkəmləndirilməsinə bundan sonra da töhfə vermək öhdəliyinə sadiq qalır.