BTQ WUF13-də hansı problemləri müzakirəyə çıxardı? - Baku TV
“Dünya ictimaiyyəti kolonializmin fəsadlarından danışarkən daha çox siyasi nəticələrə diqqət yetirir. Halbuki kolonial və neokolonial siyasətin təkcə siyasi deyil, həm də iqtisadi, dini və ekoloji fəsadları var. Urbanizasiya kontekstində isə kolonializmin mənzil böhranına səbəb olan ciddi təsirləri mövcuddur. Bakı Təşəbbüs Qrupu olaraq biz Qlobal Cənub ölkələrindən olan nümayəndələrlə birlikdə bu gün və sabah dünya ictimaiyyətini həmin fəsadlar barədə məlumatlandıracağıq”.
Bunu Baku TV-yə açıqlamasında Ümumdünya Şəhərsalma Forumunun 13-cü sessiyası (WUF13) çərçivəsində Bakı Təşəbbüs Qrupunun (BTQ) icraçı direktoru Abbas Abbasov deyib.
O bildirib ki, Bakı Təşəbbüs Qrupu Karib hövzəsi və Sakit okean regionundakı dənizaşırı ərazilərlə sıx əməkdaşlıq qurub:
“Həmin regionlardan, eləcə də keçmiş müstəmləkə olmuş, hazırda isə müstəqil Afrika ölkələrini təmsil edən nümayəndələr tədbirdə iştirak edəcəklər. Bundan əlavə, Bakı Təşəbbüs Qrupu BMT institutları ilə də sıx əməkdaşlıq edir. Bu gün BMT Gənclər Ofisinin, BMT-nin xüsusi məruzəçilərinin nümayəndələri tədbirimizə qatılacaqlar. Sabah isə urbanizasiya prosesində gənclərin rolu ilə bağlı geniş fikir mübadiləsi aparılacaq”.
#Bakı Təşəbbüs Qrupu teqi istifadə olunub
- "Müstəmləkə idarəçiliyinin yaratdığı ədalətsizliklər və mənzil böhranı" mövzusunda brifinq - Baku TV
- "Ört-basdır etdiklərini ifşa edirik" | BTQ-nin effektiv fəaliyyəti kimləri narahat edir?
- Bakı Təşəbbüs Qrupu Fransanın qəddar siyasətini unutmur, unutdurmur - Baku TV
- Bakıda "Postkolonial dövrdə gənclərin rolunun gücləndirilməsi" mövzusunda forum keçirildi - Baku TV
- BTQ-nin təşkilatçılığı ilə Bakıda beynəlxalq forum təşkil olundu - Baku TV
