Bu dövlətlər müharibəyə məcbur edilir | Dünyanın sonunu kim gətirəcək?

“Son vaxtlar Üçüncü Dünya müharibəsi riskinin olması ilə bağlı müzakirələr gedir. Amma risk olsa da, bu mümkün deyil”.

Bunu Baku TV-nin departament rəhbəri, jurnalist Turan İbrahimov sözügedən mövzunu şərh edərkən deyib.

O vurğulayıb ki, müharibənin baş verəcəyi təqdirdə bunun dünyanın sonu olacağını hamı anlayır:

“Bu prosesdə ən çox zərər çəkəcək dövlətlər 3-cü Dünya müharibəsi riskinin qarşısını almaq üçün əllərindən gələni edir. Müharibəni ən çox qlobalistlər istəyir. Qlobalistləri təmsil edən Co Bayden gedər ayaq bombanın fitilini çəkib ortaya atdı və 3-cü Dünya müharibəsi müzakirələri daha da artdı”.

Jurnalist əlavə edib ki, Üçüncü Dünya müharibəsinin tərəfləri ilə bağlı da müzakirələr gedir:

“Bir tərəfdə Rusiya, Şimali Koreya, İran və onun proksi qüvvələri, digər tərəfdə isə Avroatlantik məkana daxil olan dövlətlər. Amerikanin arzuladığı 3-cü Dünya müharibəsinin bu qüvvələr arasında baş verəcəyi deyilir”.