Bu gün bəzi təşkilatlar tamamilə iflic vəziyyətdədir | İlham Əliyev
Bu gün hər kəs tərəfindən bölüşülən fikir odur ki, hazırda yeni qaydaların müəyyənləşdirilməsi prosesi baş verir.
Bunu Azərbaycan Prezidenti İlham Əliyev “Euronews” telekanalına müsahibəsində deyib:
“Bildiyimiz dünya nizamı artıq mövcud deyil. Hələ ki beynəlxalq ictimaiyyət tərəfindən istifadə olunacaq qarşılıqlı əlaqə konfiqurasiyası heç kəsə bəlli deyil. Buna dair fərqli fikirlər var. Lakin aydın olan odur ki, birincisi, hər bir ölkə özünün daxili işlərinə və daxili imkanlarına daha çox diqqət ayırmalı, hər hansı bir yardıma və hətta beynəlxalq hüquqa arxalanmamalıdır.
Beynəlxalq hüququn selektiv tətbiqinin qurbanı olan Azərbaycanın gələcəyini daxili resurslar hesabına qurması baxımından böyük təcrübəsi var”.
Dövlət başçısı qeyd edib ki, gələcək üçün vacib məsələlərdən biri odur ki, ölkələr beynəlxalq təsisatlar çərçivəsində fəaliyyətə deyil, ikitərəfli münasibətlərə daha çox əhəmiyyət verəcək:
“Çünki bu gün bəzi beynəlxalq təşkilatlar ya öz zəifliyini nümayiş etdirir və ya tamamilə iflic vəziyyətindədir. Əlbəttə, biz hələ ki qlobal transformasiyanın ilkin mərhələsindəyik və bir çox məsələ hadisələrin gedişatından asılı olacaq”.
#İlham Əliyev teqi istifadə olunub
- İlham Əliyev İslam İnkişaf Bankı Qrupunun sədrini qəbul etdi | Nələr müzakirə edildi? - Baku TV
- Prezident İlham Əliyev Bakıda keçirilən sərgilərlə tanış oldu - Baku TV
- Həlak olan minatəmizləyənlərin övladlarının təhsil haqqını dövlət ödəyəcək - Baku TV
- Meloni–Əliyev dialoqu: geosiyasi qərarların mərkəzində hansı razılaşmalar var? - AKTUAL GÜNDƏM
- Meloninin Azərbaycana səfəri Avropaya hansı mesajları verdi? - Baku TV
