Bu marşrut beynəlxalq dəhlizə çevrilə bilər | Putin

“Azərbaycanla Rusiya arasında münasibətlər uğurla və çox praqmatik inkişaf edir”.

Bunu Rusiya Prezidenti Vladimir Putin informasiya agentliklərinin rəhbərləri ilə görüşündə iki ölkə arasında münasibətlərə dair sualı cavablandırarkən deyib.

O həmçinin bəyan edib ki, Bakı ilə Moskva arasında əlaqələrin inkişafı üçün logistika və nəqliyyat infrastrukturunu təkmilləşdirmək lazımdır.

V.Putin hesab edir ki, Azərbaycan rəhbərliyi Rusiya ilə münasibətləri inkişaf etdirmək üçün rus dilinin vacib olduğu qənaətindədir.

“Şimal-Cənub Nəqliyyat Dəhlizi yüklərin Süveyş kanalından 10 gün daha tez çatdırılmasına imkan verəcək. Bu marşurut çox yaxşı və ehtiyac duyulan beynəlxalq dəhlizə çevrilə bilər. Sankt-Peterburq limanından yüklər Avropadan keçərək Azərbaycana, oradan İrana və Fars körfəzi sahillərinə gedəcək. Layihə çox gəlirli olacağını vəd edir. Ona investisiyalar etibarlıdır, bu da layihənin gəlirliliyinə zəmanət verir”, – Rusiya lideri əlavə edib.