Bu qurumlara mühüm tapşırıqlar verildi | İclasda nələr müzakirə edildi?

İqtisadi Şuranın iclası keçirilib. Bu barədə Nazirlər Kabinetindən bildirilib.

İqtisadi Şuranın sədri, Baş nazir Əli Əsədovun rəhbərliyi ilə keçirilən iclasın gündəliyində Prezidentin 2024-cü il 27 dekabr tarixli Fərmanından irəli gələrək hökumətə verilən tapşırıqların icra vəziyyəti və görülmüş işlər müzakirə olunub.

Sahibkarların dövlət qurumlarına müraciətinin elektronlaşması, “Mygov Biznes” altsisteminin yaradılması və rəqəmsallaşmayan dövlət xidmətlərinin “ASAN xidmət”də göstərilməsi barədə tapşırıqlar verilib.

Gündəlikdə olan məsələlər üzrə iqtisadiyyat naziri Mikayıl Cabbarovun məruzəsi dinlənilib.

Təqdim olunan iqtisadi gündəliyə dair İqtisadi Şuranın üzvləri tərəfindən geniş müzakirələr aparılıb.

İclasın yekununda İqtisadi Şuranın üzvlərinin rəy və təklifləri nəzərə alınmaqla qərarlar qəbul olunub və aidiyyəti qurumlara müvafiq tapşırıqlar verilib.