Dedim ki, evimdə gizlən... | Rusiyalı polkovnik ilə azərbaycanlı üz-üzə

Əslən Culfadan olan biznesmen İlqar Abbasov 1994-cü ildən Kiyev vilayətinin Brovarı rayonunda yaşayır və 2005-ci ildə Azərbaycanlılar Konqresinin sədri seçilib.

Müharibə başlayanda iş adamının əsas işi insanların həyat təhlükəsizliyinin müdafiəsi olub. Rusiya Ordusu azərbaycanlının şirkətinə 1 milyon 500 min avrodan çox ziyan vurub. Ərazidən çıxanda isə bəzi avadanlıqları özləri ilə aparıblar.

“Rusiya Ordusu burada möhkəmlənəndən sonra xəbər yayıldı ki, onlar İlqarı tapıb öldürmək istəyirlər. Mən ona zəng edib gizlənmək üçün evimi təklif etdim. İlqar gizlənməkdən imtina etdi. O öz qərarını vermişdi. Xoşbəxtlikdən ruslar İlqarı öldürə bilmədilər”, – deyə Brovarı sakini Sergey Sarik bildirib.

Qeyd edək ki, İlqar Abbasov ukraynalıları Rusiya Ordusundan xilas etməklə yanaşı, onların sosial müdafiəsi üçün də çox iş görüb. Bundan başqa, o, Azərbaycan ədəbiyyatının təbliği ilə məşğuldur. Azərbaycanın uşaq nağıllarının Ukrayna dilinə tərcümə etdirilib məktəblərə pulsuz paylanılması da buna sübutdur.