Demokratiyadan uzaq "Demokratiya Sammiti"
Amerika Birləşmiş Ştatlarının demokratiya adı altında cəmiyyətə sırıdığı qondarma sammitin ölkənin qlobal səviyyədə rəqiblərinə qarşı yönəldiyi bütün dünyaya məlumdur.
Bu cür münasibətin yaranma səbəbi isə tədbirə dəvət olunan dövlətlərin ədalətsiz və qeyri-sağlam məntiqlə seçilməsidir. Çünki Türkiyə və Macarıstan kimi dövlətlərin dəvət olunmadığı sammitə demokratiyadan uzaq, fundamental insan hüquqlarının pozulduğu ölkə rəhbərlərinin çağırılması bu toplantının əslində antidemokratik mahiyyət daşıdığını aşkara çıxarır.
Ermənistan kimi işğalçı, terroru dəstəkləyən dövlətin sammitə dəvət edilməsi sözün əsl mənasında fiaskodur. Çünki bu ölkədə elementar insan hüquqlarından, söz azadlığından söhbət belə gedə bilməz. Belə olan halda N.Paşinyanın qondarma demokratiya sammitinə dəvət edilməsi Ermənistan üçün zorla demokrat imici yaratmaq cəhdindən başqa bir şey deyil.