Dövlət başçısından böyük etimad | “Global Media Group”un əməkdaşları təltif olundu

Prezident İlham Əliyev Azərbaycan milli mətbuatının 150 illik yubileyi münasibətilə media nümayəndələrinin təltif edilməsi haqqında Sərəncam imzalayıb.

Təltif olunanlar arasında “Global Media Group”a daxil olan media strukturlarının əməkdaşları da var. Azərbaycanda milli mətbuatın inkişafında xidmətlərinə görə “Global Media Group”un İdarə Heyətinin üzvü Orxan Məmmədov “Tərəqqi” medalı ilə təltif edilib.

Təltif olunanlar arasında Baku TV-nin direktoru Ramin Cəfərov, İnformasiya proqramları və Qərbi Azərbaycan departamentnin rəhbəri Turan İbrahimov və Xəbərlər departamentinin məsul redaktoru Azadə Balayeva da yer alır.

Dövlət başçısının imzaladığı Sərəncama əsasən, “Report” İnformasiya Agentliyinin baş direktoru Fuad Hüseynəliyevə “Əməkdar jurnalist” fəxri adı verilib. Agentliyin baş redaktorunun müavinləri İlahə Məmmədli, Emil Quliyev və media qurumunun Avropa bürosunun rəhbəri Kəmalə Mustafayeva “Tərəqqi” medalı ilə təltif ediliblər.

Təltif olunanlar arasında Oxu.Az saytının baş redaktor müavini Ülviyyə Gülməmmədovanın da adı var. Caliber.Az informasiya-analitik portalının baş redaktoru Timur Hüseynov və əməkdaşı Cəmil Bayramov da “Tərəqqi” medalına layiq görülüblər.