Dövlətdən çox razıyıq | Gürcüstanda yaşayan azərbaycanlılar təşəkkür etdi

Son illərdə qonşu Gürcüstanda dövlət tərəfindən soydaşlarımıza göstərilən diqqət daha da artıb.

Belə ki, azərbaycanlıların sıx yaşadıqları bölgələrin rayon və kəndlərində bir sıra vacib infrastruktur, eləcə də sosial layihələr həyata keçirilir.

Mərkəzi və kənd daxili yolların asfaltlaşdırılması, bir sıra yerlərdə asfalt örtüyünün tamamilə yenilənməsi, tarixən içməli su problemindən əziyyət çəkən kəndlərə ilk dəfə su xətlərinin çəkilməsi, suvarma su kanallarının abadlaşdırılması ölkə hakimiyyətinin soydaşlarımıza ayırdığı diqqətin bir hissəsidir.

Qardabanidə yaşayan azərbaycanlılar görülən işlərdən razı olduqlarını bildiriblər.

Rayonun axundu Rasim Qasımov dini sahədə olan çətinliklərin hazırkı hakimiyyət dövründə aradan qalxdığını bildirib. Belə ki, əvvəllər bəzi kəndlərdə dini bayramlarda ibadət üçün evlərdə toplaşmalı olduqlarını bildirən axund hazırda yeni məscidlərin inşa edilərək istifadəyə verildiyini diqqətə çatdırıb.

Müəllim kimi fəaliyyət göstərən Sevda Şahverdiyeva isə təhsil ocaqlarının təmir edilməsi və azərbaycanlıların yaşadıqları bir sıra kəndlərdə uşaq bağçalarının açılmasını yüksək qiymətləndirib.