Dubaydan Moskvaya uçan təyyarə niyə Bakı hava limanına endi? | Səbəb açıqlandı

Dekabrın 27-də axşam radələrində Dubay-Moskva istiqamətində uçan sərnişin təyyarəsinin Bakıya təcili eniş etməsi cəmiyyət arasında çaşqınlıq yaradıb.

İnsanlar pilotun hansı səbəbdən bu addımı atdığı yönündə fərziyyələr irəli sürüblər. Daha sonra məlum olub ki, təyyarə Roman Poxamov adlı sərnişinin qeyri-etik davranışlarınan görə endirilib. Onun kabinəyə girərkən ayıq olduğu, özü ilə gətirdiyi içkini içdikdən sonra qeyri-adekvat hərəkətlər etdiyi bildirilib.

Şahidlərin sözlərinə görə, o içkinin təsiri altında qışqırmağa və işçiləri təpikləməyə başlayıb. Onu birtəhər saxlamağa müvəffəq olsalar da, dopinq təsiri altında olan təxribatçı plastik qandalları və yapışqan lenti qırıb, daha sonra əlləri ilə illüminatoru döyəcləməyə başlayıb.

Təyyarənin Bakıda enişinə icazə verilməsi bütün dünyaya, xalqımızın nə qədər humanist, yardımsevər olduğunu bir daha göstərib.

Halbuki bir neçə gün əvvəl “Azərbaycan Hava Yolları”na məxsus sərnişin təyyarəsi Bakı-Qroznı aviareysini yerinə yetirərkən Rusiyanın “Pantsir-S” Hava Hücumundan Müdafiə Sistemi tərəfindən hücuma məruz qalması səbəbindən Aktauda qəzaya uğrayıb.

Xatırladaq ki, ciddi xəsarət alan təyyarənin Qroznı, Mahaçqala və Mineralnıye Vodı hava limanlarına enişinə icazə verilməyib.

Rusiya tərəfinin radioelektron mübarizə sistemlərindən istifadəsi nəticəsində Azərbaycan təyyarəsinin rabitə sistemi tamamilə iflic olub. Məhz bu səbəbdən təyyarə Rusiya hava məkanında radarlardan itib və siqnal yalnız Xəzər dənizi akvatoriyası rayonunda bərpa edilib. Qroznı şəhərinin hava limanı təyyarənin enişinə icazə verməyib.

Qəhrəman pilotlarımız son ana qədər mübarizə apararaq vətəndaşların həyatını xilas etməyə çalışıblar. Təyyarədə 5-i ekipaj üzvü olmaqla 67 nəfər olub, onlardan 38-i vəfat edib, 29-u isə pilotlarımızın səyləri nəticəsində həyatda qalıb.