Əli Əsədov İranda fəaliyyəti bərpa olunan səfirliyimizi ziyarət etdi

Baş nazir Əli Əsədov Tehranda fəaliyyəti yenidən bərpa olunan Azərbaycanın İrandakı səfirliyini ziyarət edib. Bu barədə Nazirlər Kabinetindən bildirilib.

Qeyd edilib ki, Əli Əsədov səfirliyin binası ilə tanış olub, Azərbaycanın İrandakı səfiri və səfirliyin heyəti ilə söhbət edib.

Xatırladaq ki, iyulun 15-də Azərbaycanla İran arasında aparılan danışıqlar nəticəsində Azərbaycanın bu ölkədəki səfirliyi yeni ünvanda fəaliyyətini bərpa edib.