Əli Əsədov Türkiyənin vitse-prezidenti ilə görüşdü | Nələr müzakirə edildi? - Baku TV
Baş nazir Əli Əsədov ölkədə səfərdə olan Türkiyənin vitse-prezidenti Cevdet Yılmazla görüşüb.
Bu barədə Nazirlər Kabineti məlumat yayıb.
Görüş zamanı Azərbaycanla Türkiyə arasında qardaşlıq və müttəfiqlik münasibətlərinin bütün sahələr üzrə uğurla inkişaf etdiyi məmnunluqla qeyd olunub.
Azərbaycan və Türkiyə prezidentləri tərəfindən həyata keçirilən ardıcıl və məqsədyönlü siyasətin bu münasibətlərin daha da möhkəmlənməsində əsas amil olduğu vurğulanıb.
Tərəflər ötən ilin dekabrında Bakı şəhərində keçirilmiş iqtisadi əməkdaşlıq üzrə Birgə Hökumətlərarası Komissiyanın 12-ci iclasının nəticələrini müsbət qiymətləndirərək iqtisadiyyat, investisiya, enerji, nəqliyyat və digər sahələrdə ikitərəfli əməkdaşlığın genişləndirilməsi məsələlərini müzakirə ediblər, bir sıra istiqamətlərdə birgə layihələrin icra vəziyyətini nəzərdən keçiriblər.
Görüşdə həmçinin Türk Dövlətləri Təşkilatı çərçivəsində əməkdaşlıq məsələlərinə toxunulub, təşkilatın üzv dövlətləri arasında həmrəyliyin və qarşılıqlı dəstəyin əhəmiyyəti vurğulanıb. Bu baxımdan Bakıda keçirilən Türk Dövlətləri Təşkilatına üzv dövlətlərin hökumət başçılarının/vitse-prezidentinin görüşünün önəmi xüsusi qeyd edilib.
#Əli Əsədov teqi istifadə olunub
- Azərbaycanın Baş naziri MDB Hökumət Başçıları Şurasının iclasında iştirak edəcək - Baku TV CANLI
- Qazaxıstanda Regional Ekoloji Sammit fəaliyyətə başlayıb - Baku TV
- Bakıda Azərbaycan və Litva Baş nazirlərinin görüşü keçirildi - Baku TV
- SOCAR-ın prezidenti iclasda təqdimatla çıxış etdi | Nələr müzakirə edildi? - Baku TV
- Enerji təhlükəsizliyinə ölkəmizin töhfəsi | Neçə ölkə Azərbaycandan qaz alır? - Baku TV
