Əli Əsədovun həqiqi hərbi xidmətə çağırışla bağlı yeni qərarı

Azərbaycan vətəndaşlarının müddətli həqiqi hərbi xidmətə çağırışı üzrə Mərkəzi Çağırış Komissiyasının tərkibi genişləndirilib. Baş nazir Əli Əsədov bununla bağlı müvafiq qərar imzalayıb.

Qərara əsasən, Komissiyanın üzvləri sırasına xarici işlər nazirinin müavini, Əmək və Əhalinin Sosial Müdafiəsi nazirinin müavini; Rəqəmsal İnkişaf və Nəqliyyat nazirinin müavini və Dövlət Təhlükəsizliyi Xidməti rəisinin müavini daxil edilib.