“Ən çətin məsələlərdə Azərbaycandan dəstək almışıq” | Vuçiçdən vacib açıqlama - Baku TV

Serbiya və Azərbaycan arasındakı strateji müttəfiqlik ən çətin sınaqlardan uğurla keçib. Baku.tv-nin Belqraddan verdiyi xəbərə görə, Serbiya Prezidenti Aleksandar Vuçiç mətbuata bəyanatında rəsmi Bakının dəstəyini yüksək qiymətləndirərək sensasiyalı açıqlama verib: "Biz ən çətin məsələlərdə həmişə Azərbaycandan dəstək almışıq".

Vuçiç vurğulayıb ki, Serbiya beynəlxalq arenada, xüsusilə ərazi bütövlüyü və suverenliklə bağlı həssas mövzularda Azərbaycanın qətiyyətli və tərəddüdsüz mövqeyinə güvənir. O, Prezident İlham Əliyevin sözü ilə əməlinin bir olduğunu, iki ölkə arasındakı münasibətlərin sadəcə kağız üzərində deyil, real və səmimi dostluğa əsaslandığını qeyd edib. Videoda Vuçiçin Azərbaycan xalqına və dövlətinə minnətdarlıq dolu çıxışı, strateji tərəfdaşlığın hərbi-siyasi pərdəarxası məqamları və Belqradda qəbul edilən mühüm qərarların təhlili təqdim olunur.