Ərdoğan seçicilərə müraciət etdi

Türkiyə Prezidenti Rəcəb Tayyib Ərdoğan mayın 28-də qalib gələcəyini və tarixi uğura imza atacağını bildirib.

Bu barədə Prezident tviter hesabında paylaşım edib. O qeyd edib ki, prezident seçkilərinin ilk mərhələsindən alnıaçıq çıxıb.

Rəcəb Tayyib Ərdoğan həmçinin qeyd edib ki, mayın 14-də əldə edilən uğuru daha böyük qələbə ilə taclandırmaq vaxtıdır: “Hər birinizə zəhmətiniz və fədakarlığınız üçün təşəkkür edirəm. Bu vaxta kimi bizə sahib çıxmış, lazım gələndə tanklara meydan oxumuş millətimizə minnətdarlıq borcumuzu ancaq daha çox iş görərək ödəyə bilərik. Türkiyə bizdən xidmət və hərəkət gözləyir. Zəlzələdən əziyyət çəkmiş qardaşlarımız bizdən yaralarının sağaldılmasını gözləyir. İnşallah, qarşıdakı günləri ən gözəl və səmərəli formada dəyərləndirəcəyik”.

Türkiyə lideri ikinci turu xatırladaraq bildirib ki, “Cumhur İttifaqı” siyasətin mərkəzinə milli iradəni, ölkəyə və millətə xidmət və sevgisini qoymuş birlikdir.