Ərdoğanın Türk Dünyasının bütövləşməsindəki rolu

Dünyada baş verən təlatümlü hadisələr fonunda milli iradənin ön plana çıxması olduqca mühüm əhəmiyyət kəsb edən amillərdəndir.

Bu fonda qardaş ölkənin rəhbəri Rəcəb Tayyib Ərdoğan həyata keçirdiyi qətiyyətli və milli maraqlara söykənən siyasətlə türk dünyasının öndərlərindən birinə çevirildi. Türk dövlətlərinin bugünkü sarsılmaz birliyi və inkişaf perspektivində də R.T.Ərdoğanın rolu danılmazdır.

R.T.Ərdoğanın hakimiyyətinin ilk dövrlərindən türk dünyasının birləşməsi daim gündəm mövzusu olub. Təsadüfi deyil ki, bu məqsədlə 2009-cu ildə türkdilli dövlətlərin əməkdaşlıq şurası yaradıldı. Bu birliyin qurulmasında R.T.Ərdoğanın misilsiz xidmətləri olub. Məhz Türkiyə Prezidentinin nüfuzu sayəsində dörd ölkənin təsisçiliyi ilə yaranan təşkilatın üzvlərinin sayı müşahidəçi üzvlərlə birlikdə səkkizə çatıb və bu gün təşkilatdakı inkişaf onun adında da öz əksini tapıb. Bir neçə il əvvəlin Türkdilli Dövlətlərin Əməkdaşlıq Şurası artıq Türk Dövlətləri Təşkilatına çevrilib.

R.T.Ərdoğanın liderliyi dövründə Azərbaycan-Türkiyə münasibətləri daha da inkişaf etdi. 2021-ci ildə imzalanan Şuşa bəyannaməsi ilə iki ölkə arasındakı müttəfiqlik hüquqi cəhətdən də öz təsdiqini tapdı.