Erməni bloger İrəvan azərbaycanlıları barədə həqiqətləri danışdı | QƏRBİ AZƏRBAYCAN XRONİKASI

“Qərbi Azərbaycan Xronikası” layihəsi çərçivəsində “Gənc erməni bloqçunun etirafı” adlı veriliş efirə gedib.

Verilişdə İrəvanın “Mxitar Sebastatsi” Təhsil Kompleksində təhsil alan 11-ci sinif şagirdi Hasmik Vardanyanın fərdi bloq yaradaraq müxtəlif mövzuda paylaşdığı yazılardan bəhs olunur.

Dünyaya fərqli, erməni millətçiliyi, şovinizm xəstəliyi ilə deyil, gerçəkdə olanlarla baxmaq istəyən gənc bloger Araqatsotn marzının Sağmosavan kəndi haqqında qeydlər edir, əsillərinin İrandan gəldiyini yazır.

Gənc bloger “Ermənistandakı azərbaycanlılar” adlı yazısında qeyd edib ki, İrəvan xanlığı dövründə Ermənistanda yaşayan azərbaycanlıların sayı artıb, etnik təmizləmədən sonra Ermənistan hakimiyyəti Azərbaycanın mədəniyyət və təhsil müəssisələrini bağlamağa başlayıb: “1989-cu ildə İrəvandakı Azərbaycan Teatrının binası sökülüb, 1990-cı ildə isə buldozerlər İrəvanda vaxtilə azərbaycanlıların ibadət etdiyi məscidlərin birindən başqa hamısını dağıdıb. Ayaqda qalan yeganə tikili “Göy məscid” idi və Ermənistanda olan fars icmasının mənəvi ehtiyaclarına xidmət etməyə başlayıb”.