Erməni siyasətçidən Qarabağ erməniləri ilə bağlı iddia

Qarabağdakı erməni nümayəndələri ilə Bakı arasında müzakirələr yaxın vaxtlarda Avropa şəhərlərinin birində baş tutmalıdır.

Bu iddia ilə erməni siyasətçi Arman Babacanyan çıxış edib. Onun iddiasına görə, görüş təşəbbüsü ABŞ-dən gəlib və Vaşinqtonun vasitəçiliyi ilə müzakirələrin Bolqarıstanda aparılması istisna deyil.

Babacanyan Qarabağdakı separatçılara ABŞ-nin təklif etdiyi görüşdən imtina etməmək çağırışı edib. Bu iddia informasiya baxımından diqqətçəkən olsa da, doğruluq payı çox azdır.

Birincisi, ilk görüşün Xocalıda keçirilməsindən sonra ermənilər Bakıya dəvət olunsa da, bundan imtina etdilər və Azərbaycan növbəti belə təklifin olmayacağını elan edib: “Separatçılar üçün çıxış yolu təslim olmaq və amnistiyadan yararlanmaqdır”.

İkincisi, Qarabağdakı erməni əhalisinin nümayəndələri ilə Azərbaycan sərhədlərindən kənarda hansısa görüşün keçirilməsi, yaxud istənilən təmas onları “tərəf” kimi qəbul etmək deməkdir, bu baxımdan rəsmi Bakının Vaşinqton istəsə belə buna getməyəcəyi bəllidir.

İstisna deyil ki, bu cür təşəbbüslər irəli sürülür, yaxud təkliflər gündəmə gətirilir, lakin bu, belə bir görüşün olacağı demək deyil. Hətta digər erməni siyasətçi Tiqran Petrosyan sözügedən iddianı təkzib edib.