Ermənilər Paşinyanı yıxıb-sürüdü: etirazlar nə qədər davam edəcək?
Ermənistanda sentyabrın 19-dan etibarən Qarabağ ermənilərinə dəstək məqsədilə keçirilən kütləvi etiraz aksiyaları davam edir.
Sentyabrın 26-sı səhər saatlarından etibarən minlərlə nümayişçi İrəvanın mərkəzi küçələrinə axışaraq ölkənin Baş nazir Nikol Paşinyanın rəhbərlik etdiyi hökumətin istefasını tələb edirlər. İştirakçılar bir neçə mərkəzi küçəni bağlayıblar.
Baş nazirin istefasını tələb edən etirazçılar “Paşinyan satqındır. Rədd ol Paşinyan!” kimi şüarlar səsləndiriblər. Qırmızı baretlilər mitinqçilərə güc nümayiş etdiriblər.
Etiraz aksiyaları zamanı daha 56 nəfər polis əməkdaşları tərəfindən saxlanılıb. Onlar Ermənistan Cinayət Məcəlləsinin 182-ci hakimiyyət nümayəndəsinin qanuni tələbinə tabe olmama maddəsi ilə ittiham edilirlər. Saxlanılanların ümumi sayı 200 nəfəri keçib.