Ermənilər Qazaxda səngər qazır | Sona qədər döyüşəcəyik
Qazaxın işğal altında qalan Bağanis Ayrım, Qızıl Hacılı, Aşağı Əskipara və Xeyrimli kəndlərinin Azərbaycana qaytarılması məsələsi Ermənistanda ciddi qarşıdurma yaradıb.
Bu barədə yerli media məlumat yayıb.
Bildirilib ki, ölkədəki müxalifət, xüsusilə revanşistlər müqavimət göstərməyə çalışırlar. Azərbaycan kəndlərində məskunlaşmış ermənilərin bir qismi də zəbt etdikləri evləri tərk etmək istəmir, “sona qədər döyüşəcəklərini” bildirirlər.
Ermənistan mediasının məlumatına görə, Əskipara kəndində məskunlaşan ermənilər ərazidə səngər qazır, Nikol Paşinyanın anonsunu verdiyi “müharibəyə” hazırlaşırlar. Yayılan görüntülər də erməni əhalisinin səngər qazmaq planlarını təsdiq edir.
“Hraparak” qəzeti isə ordunu kəndlərin qaytarılmasına qarşı çıxmağa çağırır və yazır ki, Tavuş istiqamətində yerləşmiş hərbi birliklər arasında bunu edə biləcək komandirlər də var.
Nəşrdə qeyd olunub ki, üçüncü ordu korpusunun komandiri Aleksandr Tsakanyan və Barana hərbi hissəsinin komandiri Qarik Muradyan da həmin hərbçilərdəndir.
#Ermənistan teqi istifadə olunub
- Revanşist qüvvələrin hakimiyyətə gəlməsi Ermənistanı hansı təhlükələrlə üz-üzə qoya bilər?
- Makronun İrəvana səfəri və müəmmalı reyslər | Daşınan yüklər nədən ibarətdir? - Baku TV
- Sabiq xarici işlər nazirindən açıqlama
- Ermənistanda radikal müxalifət sülh prosesinə niyə müqavimət göstərməyə çalışır?
- "Bu, Ermənistanın cavabdeh olduğu məsələdir" | Qarabağda mina təhlükəsi davam edir - Baku TV
