Ermənistan Qazaxın kəndlərini buna görə işğal edib | Sarkisyandan absurd cavab

Qazaxın Ermənistanın işğalında olan 7 kəndindən anklav olmayan 4 kəndinin qaytarılması ilə bağlı müzakirələrə bu ölkənin sabiq prezidenti, separatizmin və azərbaycanlılara qarşı soyqırımın müəlliflərindən olan Serj Sarkisyan da qatılıb.

S.Sarkisyan erməni mediasına açıqlamasında o kəndlərin Ermənistanın yurisdiksiyasına daxil olmadığını dolayısı ilə təsdiqləyib.

O, kəndlərin hansı əsaslarla qaytarılmasından bəhs edib: “Bu danışıqlardır, sərhədlərin demarkasiyası prosesidir, yoxsa sadəcə olaraq Azərbaycanın tələbini ödəyir?”.

S.Sarkisyan bildirib ki, guya Ermənistana daxil olan qaz kəmərlərini Azərbaycan 90-cı illərdə partlatmaq istəyirmiş: “90-cı illərin əvvəllərində böyük çətinliklər bahasına Ermənistan həmin qaz kəmərlərinin partlaması istəyinə son qoya bildi”.

Bununla da S.Sərkisyan guya təhlükəsizlik məqsədilə həmin kəndlərin işğal edildiyini təsdiqləyib.