Ermənistan xəritədən silinə bilər, 3 il ərzində elə şeylər olacaq ki... | Korotçenkodan sensasiya

“Ermənistan bu gün Qərbin əlində oyuncağa çevrilib. Bir tərəfdən Paşinyan qonşulara daimi ərazi iddialarından əl çəkməyin lazım olduğunu deyir, digər tərəfdən isə İrəvanın hərəkətləri Ermənistanın yenidən silahlandığını göstərir”.

Bu sözləri rusiyalı politoloq İqor Korotçenko deyib.

Politoloq əlavə edib ki, Ermənistanın son günlər Azərbaycanla sərhəddə atəşkəsi pozması ondan xəbər verir ki, Baş nazir Nikol Paşinyan heç də dediyi kimi sülh müqaviləsinin imzalanmasına can atmır:

“Ermənistanın Azərbaycana qarşı təcavüzlərini davam etdirməsi və böyük müharibə üçün lazım olan silah-sursat Qərb ölkələri tərəfindən çatdırılır. Ümid edirik ki, Azərbaycanın güclü diplomatiyasının, eləcə də vicdanlı ədalətli vasitəçi kimi Rusiyanın səyləri sayəsində Azərbaycan Prezidenti İlham Əliyev tərəfindən formalaşdırılmış sülh müqaviləsinin bağlanması reallaşacaq. Bunun bu ilin sonuna qədər reallaşacağına inanırıq.

Bütün bunlarla yanaşı, əsas problem Ermənistanın Azərbaycan ərazisinə birbaşa ərazi iddialarını ehtiva edən konstitusiyaya dəyişiklik etmək istəməməsi olaraq qalır. Son məlumatlara görə, Ermənistan 2027-ci ildə konstitusiya referendumunu keçirmək istəyir, bu üç il ərzində müxtəlif hadisələr baş verə bilər. Ona görə də qeyd etmək lazımdır ki, Azərbaycanın de-fakto Cənubi Qafqazda sülh və təhlükəsizliyi qorumaq mandatı var.

Əminliklə deyə bilərik ki, Azərbaycan regionda sülhün bərqərar olmasına məsuliyyətlə yanaşacaq. Paşinyan isə siyasi səhvə yol verərsə, iş o yerə gəlib çıxa bilər ki, Ermənistan dünyanın siyasi xəritəsindən silinər”.

İqor Korotçenko əlavə edib ki, Fransa və ABŞ öz maraqlarını təmin etmək məqsədilə Ermənistandan tramplin kimi istifadə edirlər.