Ermənistanla normallaşma prosesinə kim mane olur? | Qərbi Azərbaycan Xronikası

“Qərbi Azərbaycan Xronikası” layihəsi çərçivəsində növbəti analitik süjet hazırlanıb.

"Qərbi Azərbaycana qayıdış sülh müqaviləsindən asılıdır” adlı süjetdə Azərbaycanla Ermənistan arasında normallaşma prosesinə ilk növbədə vasitəçi rolunda çıxış etmək istəyənlərin mane olduğu, Cənubi Qafqazda davamlı sülh və təhlükəsizliyin təminatını istəyən regional əməkdaşlıq tərəfdarlarının normallaşma prosesinin başa çatmasına çalışdıqları bildirilib.

Süjetdə Rusiya Xarici İşlər Nazirliyinin MDB ölkələri üzrə dördüncü departamentinin direktoru Denis Qonçarın, separatçı tör-töküntülərin başçısı Araik Arutyunyanın, Ermənistanın keçmiş xarici işlər naziri Vardan Oskanyanın sərsəm açıqlamalarına cavab verilir: “Bunlar Ermənistan cəmiyyətini sülh müqaviləsinin imzalanması təhlükəsi ilə şantaj edirlər ki, sənəd imzalansa, Ermənistanı təhlükə gözləyir, hətta yenidən müharibə ola bilər. Beləliklə, Azərbaycanla Ermənistan arasında normallaşma prosesinin maneələri görünməyə başlayıb. N.Paşinyan vaxt uzadır, Rusiya qərbin sülh müqaviləsini şübhə altına alır”.

Sonda vurğulanır ki, V.Oskanyan, A.Arutyunyan və başqaları erməniləri yeni təhlükənin gözlədiyinə dair guya xəbərdarlıq edir: “Rusiya Cənubi Qafqazda sülh sərf etmədiyindən V.Oskanyan kimi kadrlarının dilindən yanlış düşüncələr yayır. Çünki Azərbaycan-Ermənistan münasibətlərinin normallaşması bir sıra qüvvələri regionda oyundankənar vəziyyətə salar. Belə olan halda heç Rusiya da mərkəzdə olmayacaq”.