Fransa maska altında Azərbaycanla sərhəddə buna cəhd edir | Anbaan görüntülər yayıldı

Avropa İttifaqının “müşahidəçilərinin” Azərbaycanla sərhəddə baş çəkməsi halları artıb.

Oktyabrın 29-da Ermənistanın Zəngilanla sərhəddə yerləşən Nerkin Hand kəndi yaxınlığına daha bir qrup gətirilib.

“Report”un yayımladığı kadrlardan aydın görünür ki, indiyədək “müşahidəçilər” Avropa İttifaqına məxsus avtomobillərdə hərəkət etdiyi halda oktyabrın 29-da sərhədə gələn 3 avtomobildən birinin üzərində Fransa bayrağı dalğalanıb.

Sərhəd kəndə gələn avtomobillərdə 6 nəfər mülki geyimli şəxs olub. Bu şəxslərin Fransanın kəşfiyyat orqanlarının əməkdaşları olduğu istisna edilmir.

Görünür, Fransa artıq Aİ adı altında maskalanmadan kəşfiyyat orqanlarının əməkdaşlarını açıq şəkildə öz bayrağı altında Azərbaycanla sərhəddə yerləşdirməyə başlayıb.

Bu, Ermənistanda revanşist qüvvələrə dəstək verən və yeni müharibəyə sövq edən Fransanın regionda sülh prosesinə zərbə vurmaq istiqamətində atdığı növbəti addımdır.