Pleyeri seçin:
Fransada Natəvanın heykəlinə qarşı vandalizm aktlarına etiraz
Fransada yaşayan azərbaycanlılar etiraz aksiyası keçiriblər.
“Report”un xəbərinə görə, ölkədəki Azərbaycan icması Fransanın Evian-Le Ba şəhərində 19-cu əsrin böyük Azərbaycan şairəsi Xurşidbanu Natəvanın heykəlinin qarşısına toplaşıb.
Avropa Azərbaycanlıları Koordinasiya Şurası və Avropa Azərbaycanlıları Konqresinin təşkil etdiyi toplantının məqsədi bu heykələ qarşı son zamanlar həyata keçirilən vandalizm aktlarına qarşı etiraz etməkdir.
Fransa azərbaycanlıları bu etiraz aksiyası ilə Natəvanın heykəlinin, onun simvolik mənası, Azərbaycan icması üçün mənəvi dəyərini Fransa ictimaiyyətinin, mediasının diqqətinə çatdırıblar. Etiraz aksiyasına Fransanın və Avropanın müxtəlif şəhərlərində yaşayan azərbaycanlılar toplaşıblar. Əraziyə təhkükəsizliyi təmin etmək üçün polislər də cəlb edilib.
Kopyalandı
Seçilmişlər
