Gənclər forumunun iştirakçıları Bakıda "ASAN xidmət" və "DOST" mərkəzlərində olublar - Baku TV

Bakı Təşəbbüs Qrupunun Bakıda təşkil etdiyi "Postkolonial dövrdə gənclərin rolunun gücləndirilməsi" mövzusunda beynəlxalq Gənclər Forumunun iştirakçıları dünya miqyasında tanınmış Azərbaycan modeli olan "ASAN xidmət" mərkəzi ilə tanış olublar.

Qonaqlara yaradılan iş mühiti və tətbiq olunan xidmət prinsipləri ilə bağlı məlumat verilib.

Forum iştirakçıları daha sonra 1 saylı "DOST" mərkəzi ilə tanış olublar. Onlar "DOST" modelinin mahiyyəti, təqdim etdiyi xidmətlər və idarəetmə mexanizmləri barədə ətraflı məlumat alıblar.

"ASAN xidmət" və "DOST" mərkəzlərinin iş sistemi beynəlxalq qonaqlara güclü təəssürat bağışlayıb.

Qeyd edək ki, Bakı Təşəbbüs Qrupunun təşkilatçılığı ilə aprelin 30-u və mayın 1-də Bakıda “Postkolonial dövrdə gənclərin rolunun gücləndirilməsi” mövzusunda beynəlxalq Gənclər Forumu keçirilir.