Pleyeri seçin:
Gürcüstanın Baş naziri Cümə məscidindən müsəlmanları təbrik edib
Gürcüstanın Baş naziri İrakli Kobaxidze Ramazan bayramı münasibətilə Tbilisi Cümə məscidini ziyarət edərək müsəlmanlara təbriklərini çatdırıb.
Hökumət başçısı Gürcüstanda tarixən müxtəlif etnik və dini mənsubiyyətlərə malik insanların birgə dinc şəraitdə yaşadığını qeyd edib. O, müsəlman icmasının ölkənin qurulması və inkişafına mühüm töhfə verdiyini diqqətə çatdırıb.
Tədbirdə Gürcüstanın Dini Məsələlər üzrə Dövlət Agentliyinin sədri Zaza Vaşakmadze də çıxış edərək müsəlmanları təbrik edib. Gürcüstan Müsəlmanları İdarəsinin Şeyxi Hacı Faiq Nəbiyev göstərilən diqqət və qayğıya, təbrikə və xoş sözlərə görə baş nazirə minnətdarlığını bildirib. Şeyx Baş nazirə xatirə hədiyyəsi təqdim edib.
Tədbirdə Azərbaycanın və Türkiyənin Gürcüstandakı səfirləri Faiq Quliyev və Ali Kaan Orbay, diplomatlar, din xadimləri, ictimaiyyət nümayəndələri iştirak ediblər.
Kopyalandı
#Gürcüstan teqi istifadə olunub
Seçilmişlər
