Hansı ölkə liderləri Azərbaycana başsağlığı verdi? | Detallar açıqlandı

Dünya liderləri faciəvi təyyarə qəzası ilə bağlı ölkəmizə başsağlığı verməkdə davam edirlər.

Onlar arasında Çin Xalq Respublikasının Sədri Si Cinpin də var. İran Prezidenti Məsud Pezeşkian da qəza nəticəsində həlak olanların ailə üzvlərinə başsağlığını çatdırıb. Özbəkistan lideri Şavkat Mirziyoyev ölənlərə rəhmət, yaralananlara isə şəfa arzulayıb.

Kədərimizi bölüşənlər arasında Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyan, vitse-prezident Şeyx Məhəmməd bin Rəşid Al Məktum da var.

“Bu xəbəri dərin kədər hissi ilə qarşıladıq”, – deyə göndərilən məktubda vurğulanıb.

Fələstin lideri Mahmud Abbas da ölkəmizə başsağlığı məktubu ünvanlayıb.

“Bu faciə ilə əlaqədar kədərinizi bölüşərək qardaş Azərbaycan xalqına və həlak olanların ailələrinə dərin hüznlə başsağlığı veririk”, – deyə məktubda yazılıb.

Xatırladaq ki, dekabrın 25-də Bakı-Qroznı reysini yerinə yetirən təyyarə Aktau şəhəri yaxınlığında qəzaya uğrayıb. Təyyarədə olan 67 sərnişindən 38-i həyatını itirib.