Həbsdə olan Qarabağ separatçılarının həbsi ilə bağlı mühüm məlumat

Vaxtilə Qarabağda yaradılan qondarma rejimin “prezidenti” olan Arkadi Qukasyan barəsində həbs qətimkan tədbirinin müddətinin uzadılması ilə bağlı prokurorluq orqanı tərəfindən məhkəməyə müraciət olunub.

Aidiyyətı üzrə Binəqədi Rayon Məhkəməsində ibtidai istintaq orqanının təqdimatına baxılaraq vəsatət təmin edilib.

Arkadi Qukasyanın cinayət işi üzrə ibtidai istintaq hərəkətlərinin davam etməsi zərurəti yarandığından barəsində seçilmiş qətimkan tədbirinin daha bir neçə ay uzadılması məqsədəuyğun hesab edilib.

Qərara əsasən, Arkadi Qukasyan barəsində həbs qətimkan tədbirinin müddəti daha 5 ay uzadılıb. Bundan başqa, Bakıda həbsdə olan daha bir neçə separatçının da həbs müddətinin uzadılması gözlənilir.

Xatırladaq ki, Azərbaycanın hüquq-mühafizə orqan əməkdaşları tərəfindən Qarabağda yaradılan qondarma rejimin “prezident”ləri olmuş Arkadi Qukasyan, Bako Saakyan, Araik Arutyunyan, “xarici işlər naziri” David Babayan, eləcə də “parlament sədri” David İşxanyan, qondarma generallar Lyova Mnatsakanyan, David Manukyan və “dövlət naziri” Ruben Vardanyan həbs edilərək Bakıya gətiriliblər.