Heç vaxt imkan verməmişik ki, kimsə işimizə qarışsın | İlham Əliyev - Baku TV

“Biz heç vaxt imkan verməmişik ki, kimsə bizim işimizə qarışsın, bizə nəyisə diktə etsin və ya bizə yuxarıdan aşağı baxsın”.

Bu sözləri Prezident İlham Əliyev Dünya Azərbaycanlılarının Həmrəyliyi Günü və Yeni il münasibətilə xalqa müraciətində deyib.

Dövlət başçısı bildirib ki, Azərbaycan hər zaman kənar müdaxilələrə qarşı qətiyyətli mövqe nümayiş etdirib və bu istiqamətdə ciddi siyasi iradə ortaya qoyub:

“Biz bu cür cəhdlərə qarşı müqavimət göstərmişik, heç kimin qarşısında baş əyməmişik və bundan sonra da heç kimə imkan verməyəcəyik ki, bizim işlərimizə qarışsın”.

Prezident vurğulayıb ki, zaman keçdikcə bu tip cəhdlərin sayı kəskin şəkildə azalıb, çünki onların heç bir real nəticəsi yoxdur. O qeyd edib ki, Azərbaycana təzyiq göstərmək üçün heç kimin əlində təsirli vasitə mövcud deyil:

“Güclü siyasi iradəmiz, xalq-iqtidar birliyi, hərbi gücümüz, iqtisadi potensialımız, enerji siyasətimiz və nəqliyyat imkanlarımız ölkəmizi elə gücləndirib ki, heç kim bizə öz iradəsini diktə edə bilməz”.