Pleyeri seçin:
“Həmin psixologiyanın fəsadları bu gün də var” | Prezidentdən Azərbaycan dili barədə açıqlama
“Biz bütün dövrlər ərzində dilimizi qorumuşuq və bu gün danışdığımız Azərbaycan dili ulu babalarımızın danışdığı dildən fərqlənmir. Bu, böyük nailiyyətdir”.
Bu sözləri Azərbaycan Prezidenti İlham Əliyev yanvarın 5-də yerli televiziya kanallarına müsahibəsində səsləndirib.
Dövlət başçısı qeyd edib ki, Azərbaycan xalqının gücü və böyüklüyü məhz milli kimliyini, o cümlədən dilini qoruyub saxlamasında özünü göstərir: “Hesab edirəm ki, xalqımızın böyüklüyü ondadır ki, biz başqa dillərin təsirinə düşməmişik”.
Prezident eyni zamanda sovet dövründə dilə müəyyən sözlərin daxil olduğunu xatırladaraq bildirib ki, müstəqillik illərində bu istiqamətdə ciddi iş aparılıb:
“Düzdür, sovet vaxtında leksikonumuza bəzi kəlmələr daxil olmuşdu. Mən beynəlxalq leksikondan gələn sözləri nəzərdə tutmuram. Ancaq prinsip etibarilə, müstəqillik dövründə biz dilimizi onlardan təmizləyə bildik”.
Kopyalandı
Seçilmişlər
