Hətta işğal dövründə... | Prezident kimlərə xəbərdarlıq etdi?

“Hətta işğal dövründə, 10 il, bəlkə də ondan da qabaq mən bəzi çıxışlarımda Qərbi Azərbaycanla bağlı fikirlərimi səsləndirirdim. Biz hər dəfə qarşıya hədəflər qoymalıyıq. Bu hədəflər həm stratejidir, həm taktikidir, həm qısamüddətlidir, həm uzunmüddətlidir. Amma hədəflər düzgün seçilməsə, heç bir nəticəyə nail olmaq mümkün olmayacaq”.

Bu sözləri Prezident İlham Əliyev Azərbaycan aşıq sənətinin görkəmli nümayəndəsi Aşıq Ələsgərin abidəsinin açılış mərasimindəki çıxşında söyləyib.

Dövlət başçısı bildirib ki, hədəflər həm həqiqəti, ədaləti, həm də real gücümüzü əks etdirməlidir.

“Nə qədər güclü olsaq, bizim səsimiz o qədər eşidiləcək. Bu gün antiterror əməliyyatından keçən il ərzində biz bunu görürük. Birinci həftələr, aylar ərzində bizə qarşı nə qədər əsassız ittihamlar irəli sürülürdü. Əslində, bizə sanksiyalar tətbiq edildi. Daha böyük sanksiyaların tətbiq edilməsi üçün böyük dövlətlər – hər halda, özlərini belə sayanlar – bizə qarşı müxtəlif beynəlxalq platformalarda açıq hücuma keçmişdilər. Bu gün də bu davam edir”, – deyə Prezident əlavə edib.