Hikmət Mirzəyev və Yaşar Gülər görüşdü | Mühüm müzakirələr aparıldı

Azərbaycan müdafiə nazirinin müavini – Quru Qoşunların komandanı general-polkovnik Hikmət Mirzəyev Türkiyədə rəsmi səfərdədir.

H.Mirzəyev səfər zamanı Türkiyənin milli müdafiə naziri Yaşar Güler ilə görüşüb.

Bu barədə Türkiyənin Milli Müdafiə Nazirliyinin “X” səhifəsində paylaşım edilib.

Qeyd olunub ki, görüşdə Türkiyənin Quru Qoşunlarının komandanı general Selçuk Bayraktaroğlu da iştirak edib.

General-polkovnik H.Mirzəyev Ankarada Türkiyə Silahlı Qüvvələrinin Baş Qərargah rəisi ordu generalı Metin Gürakla da görüşüb.

O, Türkiyənin Quru Qoşunları komandanı general Selçuk Bayraktaroğlu, eyni zamanda Xüsusi Təyinatlı Qüvvələr Komandanlığı ilə birgə Kilis Çıldırobadakı 6-cı Korpus və Şəhid Mehmet Sərhəd Polis İdarəsinə baş çəkib.

General S.Bayraktaroğlu Türkiyə və Azərbaycan Quru Qoşunları Komandanlıqları arasında artan hərbi əməkdaşlıq və koordinasiyaların inkişaf etdirilməsi, eləcə də silah və sistemlər haqqında məlumat verərək əməliyyat sahələrində əldə edilən təcrübələri diqqətə çatdırıb.