İlham Əliyev Azərbaycanın pravoslav xristian icmasına təbrik məktubu ünvanlayıb - Baku TV
Prezident İlham Əliyev Azərbaycanın pravoslav xristian icmasını təbrik edib.
Təbrikdə deyilir:
"Hörmətli həmvətənlər! Sizi və Azərbaycanın bütün xristian icmasını müqəddəs Milad bayramı münasibətilə ürəkdən təbrik edir, hər birinizə ən səmimi arzu və diləklərimi yetirirəm.
Azərbaycanda yüz illərdir ki, ayrı-ayrı xalqlar və etiqadlar arasında qarşılıqlı hörmət və etimada, mehriban dostluq və qardaşlığa əsaslanan milli-mənəvi həmrəylik mühiti hökm sürür.
Cəmiyyətimizdə yüksək birgəyaşayış mədəniyyətinin, mənəvi-əxlaqi normaların, multikultural dəyərlərin və dözümlülük prinsiplərinin təbliği və təşviqi həyata keçirdiyimiz dövlət siyasətinin prioritet xəttini təşkil edir.
Zəngin tolerantlıq ənənələri ilə tanınan Azərbaycanda bu gün hər kəs mədəni özünüifadə imkanlarına malikdir. Dilindən, dinindən, milli mənsubiyyətindən asılı olmayaraq ölkəmizin bütün vətəndaşlarına, o cümlədən xristian icmasına etnik-mədəni özünəməxsusluğunu qoruyub saxlamaq və daha da inkişaf etdirmək üçün hərtərəfli demokratik-hüquqi şərait yaradılmışdır.
Təqdirəlayiq haldır ki, xristian həmvətənlərimiz ictimai-siyasi, sosial-mədəni həyatımızın bütün sahələrində yaxından iştirak edir, ümumi evimiz Azərbaycanın tərəqqisi və çiçəklənməsi naminə səylərini əsirgəmirlər.
Milad bayramı yeniliyi, paklığı, mərhəmət və xeyirxahlıq kimi ülvi hissləri özündə təcəssüm etdirir. Bu əziz gündə bir daha hamınıza bayram təbriklərimi çatdırıram, ailələrinizə səadət, süfrələrinizə bol ruzi-bərəkət arzulayıram. Bayramınız mübarək olsun!".
#İlham Əliyev teqi istifadə olunub
- “Mənim üçün Azərbaycan məhz o torpaq idi” | Güclü qar Avropanı əsarətinə alıb - YENİ BİR SƏHƏR
- Azərbaycan döyüş meydanında əldə etdiyi qələbəyə siyasi möhür vurdu - Baku TV
- "Müharibəni dayandırmasaydıq..." | Prezidentin müsahibəsində diqqətçəkən məqamlar - Baku TV
- Rusiya Ermənistan vasitəsilə sanksiyalardan necə yayınır? - Prezidentdən açıqlama - Baku TV
- "Bəziləri bundan narazıdır, amma..." | Prezident növbəti illər üçün hədəflərdən danışdı - Baku TV
