İlham Əliyev bu şəxslərlə bağlı sərəncam imzaladı | Detallar açıqlandı

Prezident İlham Əliyev Adış Məmmədovun Azərbaycanın Çex Respublikasında fövqəladə və səlahiyyətli səfiri vəzifəsindən geri çağırılması haqqında Sərəncam imzalayıb.

Dövlət başçısının digər Sərəncamı ilə Adış Məmmədov Azərbaycanın Qətərdə fövqəladə və səlahiyyətli səfiri təyin edilib.

Prezident İlham Əliyev həmçinin Mahir Əliyevin Azərbaycan Respublikasının Qətər Dövlətində fövqəladə və səlahiyyətli səfiri vəzifəsindən geri çağırılması haqqında Sərəncam imzalayıb.

Niderland Krallığında Azərbaycanın yeni səfirinin adı da məlum olub. Dövlət başçısının Sərəncamı ilə Məmməd Əhmədzadə Azərbaycan Respublikasının Niderland Krallığında fövqəladə və səlahiyyətli səfiri təyin edilib.

Prezident İlham Əliyev həmçinin Yaşar Əliyevin Azərbaycanın Birləşmiş Millətlər Təşkilatı yanında daimi nümayəndəsi vəzifəsindən geri çağırılmasına dair Sərəncam imzalayıb.

Dövlət başçısının digər Sərəncamı ilə Yaşar Əliyev Azərbaycanın Çex Respublikasında fövqəladə və səlahiyyətli səfiri təyin edilib.

Prezident İlham Əliyev eyni zamanda Tofiq Musayevin Azərbaycanın Birləşmiş Millətlər Təşkilatı yanında daimi nümayəndəsi təyin edilməsi haqqında da Sərəncam imzalayıb.

İndoneziyada Azərbaycanın yeni fövqəladə və səlahiyyətli səfiri təyin edilib. Prezident İlham Əliyevin Sərəncamı ilə bu vəzifə Ramil Rzayevə tapşırılıb.