İlham Əliyev “Euronews” telekanalına müsahibə verib

Prezident İlham Əliyev “Euronews” telekanalına müsahibə verib.

Bir sıra məsələlərə toxunan dövlət başçısı Ermənistanın yürütdüyü ikili siyasətdən, 44 günlük Vətən müharibəsini labüd edən səbəblərdən də bəhs edib. Bildirib ki, biz ədaləti və ərazi bütövlüyümüzü bərpa etdik.

Prezident qeyd edib ki, hazırda bölgədə sülh üçün mühüm addımlar atılır. Ancaq buna Ermənistan tərəfinin də konstruktiv yanaşma sərgiləməsi vacibdir. Bu yanaşma müşahidə olunarsa, ilin sonunadək sülh əldə etmək mümkün ola bilər.

Prezident İlham Əliyev Ermənistana mesaj da verib və deyib ki, biz nə bu gün, nə də gələcəkdə daha bir müharibə istəmirik, biz onların dövləti ilə sülh istəyirik.

Qarabağdakı ermənilərə müraciətində isə Azərbaycan lideri vurğulayıb ki, onlar qondarma liderlərinin arxasınca getməməlidirlər. Prezident Qarabağ ermənilərini Azərbaycan cəmiyyətinə reinteqrasiya olunmağa çağırıb.

Laçın yolundakı vəziyyətdən də danışan dövlət başçısı bir daha qeyd edib ki, bu yolda hərəkət azadlığı bloklanmayıb.